Le tamall anuas, do bhíos ag scealpadh amach ag an Leabhar Taifead Oiliúint Cadhcáil Mara Leibhéal a Ceathair de réir a chéile. Dheineas píosaí le Jon Hynes ag cruinnithe ISKA mar shampla, agus nuair a dtáinig na cuairteoirí ón Íorua.
Ní raibh ach méid beag le críochnú, agus tá Dave Elwood agus Pa Conway sa chás chéanna,
Shocraíomair le Jon seisiún measúnú a dhéanamh, chun gach rud a chríochnú, ach ag an deireadh, ní raibh Pa in ann teacht inniu.
Bhuaileamair le Jon ag Caladh an tSeancheann, agus amach linn.
An gnáth pleidhcíocht a bhí i gceist - leaindeáil snámha ar carraigeacha, muir-eolas, féin-sábháil, tarraingt ar cheann téide srl.
Ag deireadh na dála, d'éirigh liom an próifíl a chríochnú, ach bhí cúpla rud fós le déanamh ag Dave.
Táim sásta go bhfuil sin déanta agam, agus táim fíor buíoch as Jon as an tacaíocht a thug sé dom i rith an próiséis.
No comments:
Post a Comment