20240930 - Bandan Uachtarach arís

Ní mó ná sásta a bhí mé tar éis mo mhíthapa inné, agus nuair a thug Gadget cuireadh eile dom teacht arís inniu, ghlacas an deis an scéal a chur ina ceart.

Ach teip ar mhuin teipe a bhí ann. D'iompaíos béal fé, aríst is aríst eile, agus theip ar mo rolla gach uair freisin. N'fheadar cé mhéad snámh a bhí agam ar deireadh.

Bhí an leibhéal an-deas, agus fios maith agam go mbeinn ag baint an-spraoi as an eachtra i mo chanú, ach ní rabhas ag baint aon spraoi as seo! 

Táim fíor buíoch as an gcomhluadar, comhairle agus inspioráid a thug Gadget dom inniu, agus as na fótagraif agus físeanna freisin, dar ndóigh.

Measaim anois go bhfuil mo rás rite sa chadhc beag seo. Caithfidh mé réiteach eile a aimsiú.

20240929 - Bandan Uachtarach

F.O.M.O. - Fear Of Missing Out, sin an fhadhb atá agam fé láthair.
Nuair a chuaigh Dave Glasswell, Des Ronan, Pa Canway agus Thomas Maas go dtí na hAlpa san earrach, bhí éad an domhain orm! Ón am sin, bhí suim agam triail as cadhcáil bánuisce, b'fhéidir go mbeinn in ann dul leo go dtí na Peiríní a bhliain sé chugainn. Ar dtús, bhíos ag iarraidh canú OC1 a fháil ar athlámh, ach theip orm, ansin chonac an cadhc seo, Dagger Rewind L, ar díol i gCorcaigh, agus bhuail an daol mé, agus cheannaíos é.

Bhí an deis agam triail a bhaint as cúpla uair cheanna, ar an Rapid ag Loch Oighin agus sa bhruth i gCiarraí, ach ba é seo mé chéad uair ar an abhainn leis.

Bhí sé an-difriúil ar an bhfíoruisce intí. Bhíos ag titim thart i gcónaí. Tá an "slicey stern" an-éagsúil ó na báid a bhfuil taithí agam ionta.

Pé uair a stopaim ag bualadh, téim fé! N'fheadar an bhfuil an bád seo oiriúnach dom ar aon chor.

Mo mhíle buíochas do Fatima Cristina Garcia Gunning, as na fótagraif agus físeanna inniu.

20240907 - Loch Latharna

Inniu bhíos ag céaslóireacht timpeall Loch Latharna i m'aonar.

Bhí se deas an cósta a fheiscint, ach an rud ba shuimiúil ná coirneach a fheiscint. Gan aon fótagraif áfach.

Píosa spraoi ag cromadh siar chun dul tríd an tollán sa tóchar ag barr an locha freisin. Arís gan fótagraif.

MPI Adventure & Caiseal Olderfleet.