20241228 - Magairlí na tSoibhréin (Oileáin an tSabhrain)

Do bhí beirt mhac agam ag imirt rugbaí i gCionn tSáile san iarnóin inniu, agus cheapas gur thug sin deis deas dom turas gairid a dhéanamh amach as an áit sin. Bhí an t-ádh dearg orm go raibh an aimsir breá socair, agus bhí suim ag dream maith ón gclub teacht in éindí liom.

Bhuaileamair le chéile ag Carraigín na Plubóige, os comhar The Bulman amach, go gairid tar éis a hocht, agus bhíomair ar snámh ag a naoi.

An chéad rud le feiscint ná Daingean Rinn Chorráin, an dúnfort suntasach ar imeall an chuain.

 

 

 

 

 

Amach linn ar aon nós, ag triail ar Oileán an tSabhrain (nú Magairlí an tSoibhréin, dá chreidfeá an t-alt seo) ar an choinníoll go mbeinn ar ais ag na carranna roimh meán lae.

Helen Daly, Kevin Murphy, Dave Glasswell,
Ronan O'Brien, Joe Quinn, Rob O'Brien.

 Cé go raibh paistí ceo ann, tháinig na hoileáin i radharc, agus dheineamair líne díreach ortha.

 

Rob O'Brien ag dul i dtreo An tSabhrain Mór.

 

Dave Glasswell.

An fear é féin @dglasswell.

Níl ach logainm amháin ar an dá oileán seo -
Oileán an tSabhrain, nú Big Soverign i mBéarla.

 

  

Sásta go raibh Na Magairlí feicthe againn, leanamair i dtreo An tSabhrain Beag, píosa beag soir.

 

 

 

 

 

 

  

  

Bhí an ceo ag éirí ní ba thibhe, ach bhí sé in am filleadh ar ais pé scéal é. Threasnaíomair ó thuaidh go dtí an mórthír agus trasna béal Cuan Oisrí ag dul siar.

Rob O'Brien.

Helen Daly.

   

 

 

 

 

Kevin Murphy, Ronan O'Brien.

 

 

 

 Bíonn an radharc ar Daingean Míleata Rinn Chorráin sonrach i gcónaí.

 

 

 

Turas gairid, ach suairc a bhí ann, agus bhíomair ar ais díreach ag meán lae, díreach in am den gcluiche.

Físeán Dave ón lae, thíos.

20241227 - Beantraí go dti Gleann Garbh

Turas eagraithe ag Dave Glasswell a bhí ann.
Bhí sé beartaithe agam roimh ré bualadh le Amy Walsh chun cleachta rollála a dhéanamh le chéile, ach nuair a chuala sí go raibh Dave ag déanamh turas, chinn sí dul in éíndí leis. Gan comhpártaí le haghaidh an cleachta, chinneas dul in éindí leis freisin!

Tá an stiall seo den cósta déanta agam cheanna, ach níór chuas go dtí béal An Mhíolach, abhainn beag a shníonn tríd Iarthar Chorcaí agus tagann amac píosa fgairid laistiar de Beantraí.

Tagann an abhainn anuas ó eas agus amach go farraige tríd craosán gálánta.

 

 

 

Bhi cuid maith fiadhúlra feicthe againn inniu, ealaí, lómaí agus madra uisce ina measc.

 

 

 

 

 

 

 

 

 

Marc loingseoireachta ar an slí isteach go Gleann Garbh.
 

 Agus seo thíos mo fhíseán ón lae.

 

 

Seo thíos físeán Dave ón dturas.

 

 

 

20241223 - Cruinniú roimh-Nollaig

D'eagraigh Anna O'Keefe turas beag inniu, amach as Barlóg. 

Do bhí an gaoth aniar aneas le héirí san iarnóin, agus bhí suaille suntasach ag teacht isteach cheanna féin. Chinneamair dul timpeall Oileán an Daimh, agus roinnt áibhirseoireacht a dhéanamh timpeall na carraigeacha ann.

Ina dhiaidh san, chuamair go dtí Na Fánsruthanna, ach ní raibh mórán spraoi le fáil ann.

Turas deas roimh an Nollaig a bhí ann, agus seo thíos mo fhíseán ón lae.

**************************************************

Uasdátú

Chinneas an físeán gairid seo a chuir suas ar leathanach Facebook darbh ainm "Sea Kayakers".

Níor chuimhníos ar arís, ach tar éis cúpla lá, thugas fé ndeara go raibh an-chuid tráchta ar an bhfíseán ar YouTube, agus ansin chonac go raibh breis is naoi míle "views" air, agus ar éirí go tapaigh.

Is é seo mo chéad físeán mearscaipthe!

 

20241219 - Turas eile ar an Aighlinn

Mise agus Pa Conway amháin ar an Aighlinn inniu.

Bhí an leibhéal go deas, ach an chid adhmad san abhainn.

Seo thíos mo físeán ón dturas. 

 

 

20241215 - Cuan Chill Iníon Léinín

Bhí gnó agam i mBaile Átha Cliath an deireadh seachtaine seo, agus ghlacas an deis bualadh le mo chomrádaí Moira Creedon. Tá cónaí uirthi i mBré, agus tá sain-aithne aici ar an gcósta thoir. 

Bhuaileamair le chéile ag Cuan Bhlóic, agus chuamair ó dheas, le taobh cósta Deilginis, ag féachaint ar na tithe móra ar ár slí.

Ag féachaint thall ar Oileán Dheilginise.

An-chuid ama caite agam ar na sléibhte siúd i m'óige,
Ceann Bhré, Giolaspar agus Ó Cualann.

Sin feicthe, chinneamair dul trasna go dtí Na Muiglíní, bealach Oileán Dheilginse.

Ansin chinneamair dul díreach i dtreo Ceann Bhré, le sruth na taoide.
Bhí an dul an-deas, ach sara shriochamair an ceann tíre, thugas fé ndeara go raibh uisce i mo chadhc. Stopamair ag duirling beag leana taoscadh amach.

Ina dhiaidh sin chloíomair leis an gcósta, chun féachaint ar an saol ag dul tart ar an bpromanáid.

Mhol Moira stopadh ag trá Cill Iníon Léinín, in aice leis na seomraí tae, le haghaidh sos lóin.

Um a dtaca sin, bhí uisce i mo bhád arís, agus thugas fé ndeara go raibh fadhb ann. Is cosúil go raibh ní bá mhó dochar déanta don cadhc ar an tráigh i mBaile Ghearóid cúpla lá ó shin ná a shíleas.

Tar éis an sos, d'fhilleamair ar ais go Cuan Bhlóic gan aon stró, le beagán pleidhcíocht i measc na carraigeacha in aice Oileán Dheilginise.

Turas deas eile a bhí ann, agus an-deas mo shean-cheantair a fheiscint arís.