20221231 - Gort na Cille do dtí Beanntraí.

Bliana maith céaslóireachta a bhí ann in 2022, agus bhí suim agam é a chríochnú le turas deas amháin eile.

Bhí an réamhaisnéis réasúnta maith inniu - gaoth éatrom aniar-aneas, agus ag laghdú i rith an lae.

Chinneamair turas a dhéanamh ar an taobh tuaisceart de leithinse Muintir Bháire, ó Gort na Cille isteach go dtí Baile Bheanntraí. 

  

Nuair a bhíomair ag fáil réidh le dúl ar snámh, bhí sé soiléir nach raibh mórán gaoth ann, ach bhí tonnta millteanach móra ag teacht isteach sa bhá. Bhí peiriad fada a dhóthain ionta, ach bheadh orainn a bheith an tapa ag lainseáil, agus leis an tráthúlacht ceart.

Bhí sé beagán scanrúil ag dul amach ón tráigh agus timpeall an chéad fhochais, ach chomh luath is a chasamair go soir ó thuaidh, bhí gach rud breá éasca, leis an ngaoth agus an fharraige taobh thiar dúinn.

Roseanne Stephenson.

John Daly

Kevin Murphy

Bhí an turas an-deas ag cloí leis an gcósta, agus chonaiceamair muc mara an gar linn.

Bhí an gaoth ag laghdú agus an fharraige ag ciúnú an t-am ar fad, agus nuair a bhaineamair Cuan Bheanntraí amach, bhí sé ar nós gloine...

...ach ansin a thosnaigh an rírá!

Go tobann bhí deilfeanna mórthimpeall an cuan. Grúpaí acu ó thuaidh, grúpaí eile ó dheas. 

Grúpaí i bhfad uainn, agus gan choinne, grúpaí in aice linn.

Deireadh an-speisialta den bhliain a bhí ann.

Nóta: Bhí orm filleadh ar ais go dtí Gort na Cille le haghaidh mo veain, agus bhí sé suimiúil le feiscint go raibh an mórtas farraige tar éis laghdú amuigh anseo freisin, ní hamháin sa chuan.

20221217 - Cadhc nua...eile!

Bhí sé soiléir ag an gcruinniú ISKA, agus mé ag déanamh teagascóireachta le 'Mad Dog' ná fuil mo cadhc deas álainn Romany oiriúnach le haghaidh úsáid garbh coitianta mar seo.

Cúpla seachtain ó shin, fuaireas cadhc Cath Russell ar iasacht chun triail as. Dagger Stratos L atá ann, agus bhíos breá compordach ann, ar an mbánuisce ag Loch Oighinn, agus amuigh sna tonnta ag briseadh in measc na carraigeacha.

Táim ag obair ag Cionn Mhálanna fé láthair, agus ag fanacht ag Carn Domhnach, agus ar mo lá saor, chinneas dul go dtí Doire agus cuairt a thabhairt ar Eglinton Kayaks. 
Nuair a shriocheas an áit, chonaic cadhc le cuma an-chosúil leis an Stratos, agus d'iarr mé an úinéir cead suigh isteach ann. P&H Virgo HV a bhí ann, agus bhí sé breá compordach, agus bhí mothúchán maith agam fé. Ach bhíos anseo chun Stratos a cheannach, agus bhíos chun é sin a dhéanamh go díreach...ach, ó eagla go heagla, d'iarr mé air cead suigh isteach ann freisin ar dtús. Agus níor chreideas é, ach ní rabhas in ann suigh isteach i gceart in aon chor. De réir dealramh, tá Dagger tar éis leagan amach an Stratos a athrú ónar cheannaigh Cath a ceann roinnt blianta ó shin.

Anois bhíos i bponc. Bhíos tar éis triail as an Stratos, ach ní raibh aon eolas agam fén Virgo. Bhí botúin déanta agam san am atá caite ag ceannach cadhcanna gan triail astu, ach chuas sa seans, agus cheannaíos an Virgo.

Nuair a fhilleas ar ais go dtí Ard Mhálanna, chuas amach ar feadh tamall beag ag Port Ronán chun triail as. Ní raibh díomá orm.

20221203 - Traigh Omna do dtí Dún na Séad.

Leis an réamhaisnéis oiriúnach, agus an taoide ag sruthlú ar an treo ceart, chinneamair dul ó bhunáit an chlub i dTraigh Omna go dtí Dún na Séad inniu.

Cé ná fuil sé ró-fhada, stiall den chósta gan rogha teacht amach nú casadh timpeall atá ann. Ní foláir duit a bheith tiomanta chun triail as, agus dá bhrí sin, sa gnáth caint i measc na cadhcóirí, tugtar committed, nú committing ar phíosa cósta mar seo. Cinneadh dochúlaithe atá ann nuair atá an turas tosnaithe.

Amy Walsh, Dave Elwood (chun tosaigh), Ronan O'Brien (sa lár),
mise (ar snámh), agus Anna O'Keefe.

D'éirigh go maith linn ag imeacht as Bá Traigh Omna, an gaoth lenar dtóineanna. Nuair a bhaineamair Carrigathorna (Carraig an Tiorna?) amach, do bhí sruth an taoide linn freisin, cé go raibh an fharraige ag oibriú i gcónaí agus beagán scaobach.

Tar éis tamall, thosnaigh duine amháin den criú ag titim siar. Nuair a d'fhiafraigh mé dé an raibh sé ceart go leor, d'fhreagair sé nár mhothaigh sé ró-mhaith.

Bhíos buartha ar dtús go raibh rud éigin tromchúiseach ag cuir as dó, ach tar éis tamall, chaith sé amach a bhricist, agus bhí a fhios agam ansin ná raibh ann ach tinneas farraige.

D'fhágamair an 'othar' ag Trá Phraisce, agus lean an dream eile ar aghaidh go dtí Dún na Séad.

Dave Elwood, Amy Walsh & "Lott's Wife".

Turas den scoth a bhí ann, in ainneoin an 'eachtra' ar an slí.

Dála an scéal, phiocamair an taismeach suas ag Óstán Uí Chathasaigh, agus é breá compordach ann.